خواطر طبيبة..(صباح الفل و الورد و الياسمين)

صباح الفل و الورد و الياسمين..

صباح الطبيعة الخضرا و الجمال...صباح التفاؤل و الايجابية

صباح جديد..بداية جديدة...ضحكة جديدة..مشاعر جديدة..

في كل صباح افتكر اول ما تصحى تقول..الحمد لله..قول شكرا يارب..لانك مهما كنت ..و مهما كانت حالتك..انت احسن من ناس كتير..
امس و امبارح..خلاص عدى..اذا هنفكر فيه هنفكر بس علشان نتعلم و ناخد العبرة..علشان نكمل بكرة بشكل احسن

اول ما تصحى..افتكر تصفي قلبك..و تخليه زي الوردة البيضاء..صافية و جميلة

اول ما تصحى انسى انك ممكن تكون مدايق او زعلان من اي شخص..

اول
ما تصحى حضر لك فطار ..اي فطار بسيط و صحي..و احمد ربنا ان عندك فطار..و
انك قادر تاكل..لانك احسن من اللي مش قادر يجيب شيء يفطر بيه..و احسن من
شخص مش قادر ياكل لانه مريض او عمل عملية...
احمد ربنا..و اشكر فضله..و ارض باللي ربنا قسمه لك..

قوم الصبح و اشتغل..و اتعب علشان تحس ان لك دور في الحياة

اتعلم ازاي تساعد..تساعد ام و طفلها يعدوا الشارع...ساعد زميلك في الشغل ..ساعد زوجتك او والدتك في البيت..

و اوع تنسى ..لما تلاقي حاجة صعبة عليك في حياتك..قول "يـــارب"..
قولها من قلبك و ارمي حمولك على الله..

اعتقد انك ممكن تحمى نفسك و تحمي قلبك من امراض كثيرة جدا..اذا آمنت بالكلام دا و طبقته..
و يمكن تحس ان طعم الحياة بقى أجمل..
و تقدر تضحك من قلبك...