نكات واحد عندو ارنب عاوز يبيعو

واحد عندو ارنب عاوز يبيعو
جاهو واحد مسطول قاليهو: القرد ده بكم؟؟
رد الراجل: دا ارنب ما قرد!
المسطول قاليهو: يا ابو الشباب انا سألت الأرنب ما سألتك انت

مسطول سالوه ما اصغر شئ في الدينا
قال ليهم
شامة في ضهر نملة

سواق أمجاد راكب جنبو واحد سمــــين لدرجة انو ما قادر يسوق،
في واحد مسطول في الكنبة الخلفية
قال للسواق: يا ابن العم شيل دركسونك وتعال معانا بي وراء

غراب مسطول جالس في شجرة بياكل في قطعة جبنة ،
الثعلب وقف تحت الشجرة وقال ليهو غني لينا ياغراب
الغراب طلع الجبنة وختاها جنبو في الشجرة
وقال للثعلب: انت قايلني غراب سنة رابعة العوير الزمان داك

فلاتي مسطول بيضرب في تركين كارب،
كل ما ياكل ليهو لقمة يلحس صوابعه ويقول : هلو لكن أفن

جعلي فتح محل أنابيت غاز فجر إسطوانين فى نص الشارع .... دعــــــايه

جعلي اول مره يأكل لبانه حلف بالطلاق أكان ما كملت ما مايخليها

عريس ساطل سطله جامده يوم عرسو وبعد الناس مامشو
دخل البيت لقى العروس منتظراه .
قال : والله أنا كنت عارف الناس ديل بي جوطتهم دي بنسوا ليهم زول هنا

جماعه عندهم عرس ودايرين يجيبوا العروس مالقو دلوكه
سألو جارهم السكران ديما ..
مابنلقى عندك باقه نجيب بيها العروس .. قال ليهم ماتجيبوها فى كيس

دي واحدة عن اخوانا الشوايقة

مُحمد احمد مشترك في برنامج من سيربح المليون

إستعمل خيار الإتصال بصديق

صديقو شايقي إسمو العوض
جورج قرداحي:-

الو .. العوض .. معك جورج أرداحي من برنامج من سيربح المليون وييانا صديقك محمد احمد

وصل ستاشر الف ريال وبدو مساعدتك ليوصل لي إثنين وثلاثين الف ريال معك ثلاثين

ثانية بس يحكي معك

العوض:-

قتا بوصل كم ألف آجورج .. أكان وريتو بي الجواب ؟؟

جورج:-

إثنين وثلاثين الف ريال

العوض:-
أقولك شي آآآجورج .. قول لو العوض نايم

واحد اشترى خروف عجبو شديد لدرجة إنوحننو ولبسو هلال
قام جاب ضباح مسطول
المسطول شاف الخروف محنن ولابس هلال قام طهرو ومشى